roydement. Jamaiz a cel endroit ne
l’eussent les
François conquis qui
bien congnoissoient le passaige et la
riviere aussy, sy emmenerent bien
deux cens de pié passer parmy les
planches de Prouvy. Quant ceulx
furent oultre ilz vindrent tantost par
derrieres sur ceulx de Trie qui n’es
toient que un pou de gens au regart
d’eulx
lesquelz ne pourent durer. Sy
en ot plusieurs occis et meshaingnéz.
Ce meismes jour
estoit party de
Vallen
ciennes le seneschal de Haynault a
tout
cent lances et yssus de la ville
par la Porte
Duram et pensoit bien
que ceulx de Trie avoient a faire si
les vouloit secourir dont il advint
que
dessus Saint Wast il trouva de
rencontre XXV coureurs
françoys
que trois chevaliers de Pontieu menoient,
messire
Boucicault l’un, le sire de Surgie
res l’autre, et messire Guillaume
Blondeau le tiers et avoient passé
l’Es
cault asséz pres
de
Vallenciennes au
pont que on dit a la Courielle et avo
ient
couru par droitte bachelerie
dessus Saint Wast. Quant le seneschal
les vit il en fut moult joyeulx, car
moult bien congneut que c’estoient
Françoys et fery des esperons aprés lui
et toute sa route, si les consuivi. La ot
bonne escarmousche, car le senes
chal porta jus de coup de lance mes
sire
Boucicault qui adoncques estoit
moult appert chevalier et fut encores de
puis plus.
Car il fut mareschal de
France si comme vous orrés cy avant
en l’istoire et lui
fist fiancier prison
puis l’envoya a
Vallenciennes, mais
je
ne sçay comment ce pot estre, car
le sire de Surgieres se sauva et eschap
pa et
ne fut point prins mais messire
Guillaume Blondeau fiança prison
a
messire Henry d’Ulphalize et presques
tous les autres furent mors ou prins.
Ceste rencontre detria moult le senes
chal qu’il ne pot venir a temps au pont
de Trie. Ains l’avoient ja conquis les
Françoys quant il y vint
et mettoient
grant entente a abatre les moulins et
un petit chastellet qui la estoit mais si
trestost que le seneschal sy vint en la
ville ilz n’orent point de loisir, car ilz fu
rent recueilliz vaillamment et occis et
detrenchiéz et les fist on saillir en la
riviere de l’Escault dont les uns furent
noyéz, syques toute la ville en fut de
livree, et vint le seneschal passer
l’Escault a
Denaing puis s’en ala a son chastel de
Werthim et la se mist pour le garder et
deffendre se mestier estoit. Et lors se te
noit encores le duc de Normandie sur
le mont de Castres la ou il se tint la plus
grant partie du jour en bonne
ordonnan
ce, car il cuidoit que
ceulx de Valencien
nes le deussent venir
combatre si comme
ilz eussent voulentiers fait, mais mes
sire Henry d’Antoing
qui la ville avoit
a garder leur deffendoit et estoit a la
Porte
Cambresienne moult ensonnié et
en grant peine d’eulx destourner de non
widier,
et le prevost de la ville pour le
temps avecques luy Jehan de Vassy
qui
les affrenoit ce qu’il pouoit et tant leur
dist de belles raysons qu’ilz s’en souffrirent.
SHF 1-105 sync Quant le duc de Normandie et ses batail
les qui tres
belles estoient se furent te
nues un grant temps sur le mont de Cas
tres et ilz
virent que nulz ne venroit ne
ystroit de
Vallenciennes hors pour eulx
combatre, adoncques furent tramis
et envoiéz le duc d’Athenes, les deux ma
reschaulx et le conte d’Aucerre et le sire de
Chastillon atout bien III
C lances de gens
pb 52 v