estoit se faisoit maistre et chief et gouver
neur. Sy trestost que
ceulx de Vallenci
ennes furent la venuz on les envoya
escarmouschier aux
Françoys sur la
riviere de l’Escault pour
ensoingnier
ceulx de l’ost et aussy pour faire voye a
ceulx qui estoient ou chastel
de Thun.
La ot grant escarmousche des uns aux
autres et plusieurs carreaulx traiz
et lanciéz et maint homme navré et
blecié. Entrementes qu’ilz entendo
ient a paleter
les compaignons de
Thun l’Evesque, c’est assavoir messire
Richart
de Limosin et les autres se par
tirent du chastel et se mistrent en
l’Escault ou on leur avoit appareillié
bateaulx et nacelles en quoy on les
ala querre
d’autre part le rivaige.
Sy furent admenéz en l’ost du conte
de Haynault qui
moult lieement et
doulcement les receut et moult les
honnoura du bon service qu’ilz lui
avo
ient fait quant si longuement et a
si grant meschief ilz s’estoient tenuz
a
Thun l’Evesque.
SHF 1-111 sync
¶ Entrementes que
ces deux
osts estoient ainsi assembléz
sur la
riviere de l’Escault les
Françoys
devers France et les
Haynuiers sur
leur paÿs
couroient les fourriers
fourrer par tout ou ilz pouoient trou
ver de l’un léz et de l’autre
mais point
ne se trouvoient ne encontroient,
car la riviere estoit entre d’eux
mais
les
François couroyent et par ardoient
tout le paÿs
d’Austrevant qui demou
réz y estoit et les
Haynuiers tout le
paÿs de Cambresis et la vint en l’ayde
du conte de Haynault et a sa priere plus
de LX
M Flamens dont
Jaquemart d’Ar
tevelle estoit chief et se logierent
puissamment a l’encontre des
Françoys dont le conte de Haynault fut moult
liéz pour leur
venue, car son ost en estoit
grandement renforcié. Sy manda par
les heraulx au duc
de Normandie, son
cousin, que bataille se peust faire
entr’eulx
eulx et que ce seroit
blasme pour les deux
parties que si grans gens d’armes se
departissent
sans avoir bataille. Le duc
de Normandie respondy a la premiere
foiz qu’il en auroit advis. Cel advis fut
adoncques si longuement que les he
raulx se
partirent sans avoir responce.
Dont il advint que au tiers jour le conte
y envoya de rechief pour mieulx savoir
l’entencion du duc et des
Françoys. A quoy
le duc respondy que il n’estoit mie enco
res bien
conseillié de soy combatre ne de
mettre journee disant que le conte estoit
trop
hastif. Quant le conte ouy ces pa
rolles il luy sembla un detriement. Sy
manda tous les
plus grans de son ost,
et premierement le
duc de Braibant et tous les autres
ensuivant et puis
leur remonstra son entencion et les
responces du duc de
Normandie si leur
en demanda conseil. Chascun lors regar
da l’un sur l’autre ne nul
ne vouloit es
tre le premier. Toutesvoies le
duc de Bray
bant parla pour tant que c’estoit le plus
grant de tout l’ost et le plus saige tenu.
Si
dist que de faire un pont ne de com
batre aux
Françoys il n’estoit mie d’ac
cord. Car il savoit de certain que le roy
angloys devoit prouchainement passer
la mer et devoit venir assieger la
cité de
Tournay. "Sy lui avons",
ce dist le duc,
"prommis et juré foy et amour de nous
et des nostres. Dont
se nous nous comba
tons maintenant et la fortune estoit con
tre nous il perdroit son
voyaige ne nul
confort il n’auroit de nous et se la jour
nee estoit pour nous il ne nous en
sa
uroit ja gré. Car c’est son entencion que
pb 55 v