a faire une grosse nef et un engin dedens
qui tous les trairoit dont furent les
charpentiers mandéz et mis en oeu
vre et le dit engin fait en une nef. Aus
si en ce meismes jour leverent ceulx
de Vallenciennes a leur cousté un tres
bel engin et bien gettant qui portoit
pierres jusques dedens la ville et au
chastel et traveilloit durement ceulx
de Mortaigne. Ainsi passerent ce pre
mier jour et la nuit ensuivant en as
saillant advisant et devisant com
ment ilz pourroient grever Mortaig
ne et l’andemain se trayrent a l’assault
de tous coustéz. Encores n’estoit point
le second jour fait l’engin qui devoit
traire les pilos hors, mais l’engin de
Vallenciennes gettoit continuellement
a ceulx de Mortaigne. SHF 1-128 sync ¶ Le tiers jour
fut la nef toute ordonnee et abillee
et les engins dedens mis et assis et ap
pareilliéz pour traire hors les pilos
lors commencierent a aler ceulx qui
s’en ensoingnioient a ouvrer si comme
commandé leur fut. Sy saichierent
et s’affichierent a oster les pillos dont
il en y avoit grant foyson semé mais
tant de peine et de labourent orent ain
çoys qu’ilz en peussent avoir un que
merveilles fut a penser. Sy regar
derent et considererent les seigneurs
que jamais ilz n’auroient fait. Sy
commanderent a cesser cest ouvrai
ge. D’autre part il y avoit dedens Mor
taigne un engigneur tresbon maistre
qui advisa et considera l’engin de ceulx
de Valenciennes et comment ilz gre
voit leur forteresce. Sy en leva un
ou chastel qui n’estoit mie trop grant
et le trempa bien et a point et ne le fist
mie getter que trois foiz dont la pre
miere pierre cheÿ a douze piéz de l’en