Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Stonyhurst 1
Previous | Folio 9 r | Next
pb 9 r

combra. Si leur advint grant merveille,
car ilz furent XI jours tout plains en
ce batelet et s’efforçoient de nagier tant
qu’ilz pouoient sy loing nagier que le
vent qui leur estoit contraire par la
voulenté de Dieu les ramenoit chascun jour
par une foiz ou deux au moins de la
quarte partie d’une lieue pres du dit
chastel dont ilz estoient partis. Au
derrenier advint que messire Henry
de Beaumont filz au viconte de Beau
mont en Angleterre entra en une bar
ge et aussi avecques lui aucuns com
paignons et se fist nagier devers eulx
et nagierent tant et si fort que oncques
les mariniers du roy ne porent tant
fouyr devant que finablement ilz
ne feussent attains et prins atout
leur batel et ramenéz en la ville de
Brisco et livréz a madame la royne
et a son filz comme prisonniers qui
moult en orent grant joie et aussy
orent tous les autres et a bonne cause,
car ilz avoient accomply et achevé
leur desir a l’ayde de Dieu tout a leur
plaisir. SHF 1-16 sync Ainsi reconquist la ditte royne
royne le royaume d’Angleterre pour
son ainsné filz soubz le confort et con
duit de messire Jehan de Haynault et
de sa compaignie par quoy il et ses com
paignons qui en ce voyaige furent
avecques luy ainsi que vous avéz ouy
furent tous tenuz pour preux pour
rayson de la haulte entreprinse que
faitte avoient, car ilz ne furent tous
comptéz quant ilz entrerent en mer
a Dourdrech si comme vous avéz ouy que
IIIIC armeures de fer qui firent si har
die entreprinse pour l’amour de la
ditte royne comme d’entrer en nefz et
passer la mer a si pou de gens pour con
querir tel royaulme comme est Angle

terre malgré le propre roy et tous ses ay
dans. SHF 1-17 sync Comment le roy d’Angleterre
fut menéz en prison a Bercler et bail
léz en la garde du seigneur du dit lieu et
comment le jeune Despensier fut jus
ticié.
Ainsi comme vous avéz ouy
fut celle haulte emprinse et har
die achevee et reconquist madame Ysa
bel tout son estat par le confort et con
duit du gentil chevalier messire Jehan de Hay
nault et de ses compaignons et mist a
destruccion ses annemis et fut prins
le roy meismes par telle mescheance
comme vous pouéz ouyr. Dont tout le
paÿs communement ot grant joye, hors
mis aucuns qui estoient du cousté du
dit Hue le Despensier. Quant le roy
et le dit messire Hue le Despensier furent
admenéz a Brisco par les dessus diz mes
sire Henry de Beaumont, le roy fut envo
yé par le conseil de tous les barons et che
valliers ou chastel de Bercler seant sur
la grosse riviere de Saverne et il fut re
commandé au seigneur de Bercler que
il en feist bonne garde et il dist que s’y
feroit il et fut ordonné a luy servir et
garder bien et honnestement et gens
d’estat entour luy qui bien savoient que
on devoit faire mais point ne le devoient
laissier partir du pourprins. Ainsi fut
il commandé et enjoint et le dit messire
Hue le Despensier fut tantost livré a
messire Thomas Wage mareschal de l’ost.
Aprés se party la royne et tout son ost
pour venir a Londres qui est chief d’An
gleterre et se mist en chemin. Le dit mes
sire Thomas fist bien et fort lier le dit mes
sire Hue le Despensier sur le plus petit
maigre et chetif cheval qu’il pot trouver
et lui fist faire et vestir un tabar par des
sus son habit le dit thabar signé de telz
armeures comme il souloit porter et le pb 9 v