entr’eulx ferir et frapper sur eulx et
toudiz
traioient les
Englois druement
en la plus grant presse, si feroient par
le corps ou parmy les membres chevaux
et gens d’armes qui la estoient entour
liés moult richement arméz et montéz,
si trebuchoient parmy ces
Genevois si que ilz ne se pouoient lever ne ravoir.
Et la entre ces
Englois avoit pillars
et ribaux gallois et cornuaillois qui
portoient coutilles
tresgrans, si venoient
entre les gens d’armes et archiers qui
leur faisoient voie et
trouvoient les
François en ce dangier, contes, barons,
chevaliers et
escuiers, si les occioient.
Par cel estat en y eut ce soir plusieurs
murtris, dont le
roy d’Engleterre fu
depuis courroucié que on ne les avoit
pris a raençon.
SHF 1-279 sync Le
vaillant roy de
de Behaigne, qui se appelloit Charles de
Lucembourc, car il fu filz au
gentil
empereur Henry de Lucembourc, quant
il qui estoit aveugle entendy
l’ordon
nance de la
bataille, il dist : "Ou est
monseigneur Charles
mon filz? " Ses gens lui
respondirent : "
Monseigneur, nous ne
savons.
Nous cuidons qu’il se combate." Lors
dist le
roy a ses gens : "Seigneurs, vous
estes mes hommes et mes amis et
compaignons. A la journee
d’uy je
vous requier que vous me menéz si
avant que je puisse ferir un coup
d’espee." Les chevaliers qui deléz lui
estoient, l’eussent enviz laissié et dont,
afin qu’ilz ne le perdissent en la presse,
ilz se lierent par les frains de leurs
chevaux
tous ensemble et mistrent
le
roy tout devant pour mieux acom
plir son
desir. Et ainsi s’en alerent
sur les ennemiz.
Monseigneur Charles de
Behaigne, qui se escrisoit ja
roy d’Ale
maigne et en portoit les armes, vint
ordonneement jusques a la
bataille,
mais quant il vit que la chose aloit
mal pour les
François, il s’en party,
je ne sçay pas lequel chemin il
prist.
Le
roy son pere ala si avant sur ses
ennemiz qu’il fery un coup de
s’espee, voire
plus de quatre, et se combaty viguereu
sement et aussi
firent ceulx de sa com
paignie, et si avant se bouterent que
tous y demourerent, et
furent l’ende
main trouvéz sur la place autour du
roy et tous leurs chevaux
liéz ensem
ble.
SHF 1-280 sync Le
conte d’Alençon ala moult
ordonneement sur les
Englois et les
combaty, et le
conte de Flandres d’autre
part. Ces
deux seigneurs et leurs
routes en costoiant les archiers vin
drent jusques a la bataille du
prince et la se combatirent moult longue
ment et vaillemment. Et moult vou
lentiers y feust venu le
roy de France qui veoit leurs banieres, mais il y
avoit une grant haye d’archiers et
de gens d’armes
au devant. Ce jour
avoit le
roy de France donné un courcier
noir a
monseigneur Jehan de Haynau, qui
l’avoit baillié a
monseigneur Thierry de
Feuselles, un
sien chevalier qui portoit
sa baniere, lequel sur ce
coursier
tresperça tous les conrois des
Englois.
Et quant il fu
oultre au prendre
son retour, il trebucha parmy un
fossé et estoit durement blecié. Et
la eust esté mort, mais son page le
avoit poursuivi autour des batailles,
si le trouva qu’il ne se pouoit ravoir;
il
n’avoit autre empeschement que du
cheval, car les
Englois n’issoient
point
hors de leurs batailles
ponr
nullui
prendre ne grever. Lors descendy ce
page et fist tant qu’il releva le
sire de
Feuseilles, lequel ne revint mie
arriere par le chemin qu’il avoit
fait,
car il ne peust.
SHF 1-281 sync
Ceste
bataille ce samedy entre
La
broye et
Crecy fu felonnesse et
horrible. Et y avindrent plusieurs
grans fais d’armes qui ne vindrent
pb 105 r