Avec ce les
Englois couroient souvent
en la
conté de Guines, en
Tirenois et jusquez
aux portes de
Saint Omer et de
Bouloigne.
Si ramenoient en leur ost grant proie.
Et point ne faisoit le
roy assaillir la
ville
de Calais, car bien savoit qu’il perdroit
sa peine, si espargnoit ses gens et son
artillerie et disoit qu’il affameroit la
ville com longtemps qu’il y deust mettre
se le
roy de France ne venoit lever le siege.
Quant le capitaine de
Calais vit ces
ordonnances du
roy d’Engleterre, si fist
partir de
la
ville toutes manieres de
menues gens qui n’avoient nulles pour
veances.
Lors en vuidierent sur un
mercredy que hommes que femmes
que
enfans plus de XVII
C. Et quant ilz
passerent parmy l’ost des
Englois, on
leur demanda pourquoy ilz vuidoient.
Ilz respondirent qu’ilz n’avoient de quoy
vivre. Adont leur fist le
roy
grace de
passer parmy son ost sauvement. Et
leur fist disner bien et largement et
puis donner a chascun deux estrelins
en aumosne.
SHF 1T-289 sync
Comment le duc de
Normandie deffist son siege devant Aguillon. Le VIXX XVe chapitre.
Ae duc de
Normandie, qui se tenoit
devant
Aguillon, et qui dedens
avoit
assegiés
messire Gautier de
Mauny et les autres chevaliers d’
En
gleterre, comme dit est dessus, or avint
ce siege pendant environ la my aoust
que une
escarmuche se fist devant le
chastel d’Aguillon, et tellement se mul
tiplia que la plus grant partie de
ceulx de l’ost y alerent. Adont estoit
la venu nouvellement en l’ost
monseigneur
Phelippe de Bourgoingne, conte d’Artois
et de Bouloingne et cousin germain
au dit
duc, lequel estoit moult joenne
chevalier. Et sitost que l’escarmuche
fu commencee, il s’arma et monta sur un
coursier grant et fort et le brocha des
esperons pour venir a l’escarmuche en haste.
Lequel coursier s’escueilly au cours et
emporta le
chevalier maugré lui, si que
en traversant un fossé, le coursier chey
et
monseigneur Phelippe dessoubz lui, si fu tant
confroissié que onques puis n’eut santé,
ains mouru de celle bleceure. Asséz tost
aprés, le
roy de France manda
son filz le
duc de Normandie que toutes essonies
mises arriere, il s’i deffeist le siege et
retournast en
France pour aidier a
garder son heritage contre les
Englois.
Sur ce le
duc demanda conseil aux
contes et barons qui deléz lui
estoient,
car il avoit dit que point ne partiroit
du siege jusques a tant qu’il avoit
pris la forteresse et ceulx qui dedens
estoient. Mais il lui fu conseillié que,
puisque le
roy son pere le mandoit
si expressement, il se
pouoit bien partir
sans forfait. Et dont l’endemain les
François se deslogierent au point du
jour et trousserent tentes et trefs et
toutes ordonnances hastivement, et se
mistrent a voie vers
France. Et dont les
compaignons qui dedens
Aguillon se
tenoient se armerent et monterent et
yssirent, le pennon
monseigneur
Gautier de
Mauny tout devant, et se vindrent
bouter es
François, qui n’estoient mie
encore tous partiz. Si en occirent et
decouperent plusieurs et en prindrent
plus de LX d’uns et d’autres qu’ilz ra
menerent en
leur forteresse. Et par
ces prisonniers sceurent la chevaucee
du
roy d’Engleterre qu’il avoit faite
celle saison en
France et qu’il tenoit
siege devant
Calais.
SHF 1T-287 sync Avant que le
roy de France se partist d’
Amiens
pour
aler a
Paris, aprés la
bataille de Crecy,
il fu tellement esmeu contre
monseigneur
Godemar du Fay qu’il
n’avoit mie fait
son devoir de garder le
passage de la
Blanchetaque, si
estoient les
Englois passéz oultre et venuz en
Pontieu,
et
le vouloit faire pendre. Et a ce s’eclinoient
pb 107 r