se gettoient a ses piés en pleurs et parfons
souspirs. Secondement un autre
tres
honneste bourgois et de grant affaire
se
leva et dist qu’il feroit compaignie a
son
compere sire Eustace. Si
appelloit on cestui
sire Jehan d’Aire. Aprés se leva
sire Jaques
de Wissant qui estoit riche de meuble et
de
heritage, et dist qu’il tenroit sorte a ses
II cousins. Ainsi
fist
Pierre de Wisant son
frere, et puis le V
e et puis le
VI
e, lesquelx
se atournerent ainsi que le
roy avoit dit.
Et dont
messire Jehan monta sur une petite
haguenee, car a grant
malaise pouoit il
aler a pié, les mena devers la porte. Lors fu
grant le dueil de
hommes et femmes et des enfans
d’iceulx en lermes et sanglous piteux. Et
ainsi
vindrent jusques a la porte que
monseigneur
Jehan fist ouvrir, et se fist
enclorre dehors
avec les
VI bourgois, entre la porte et les
barrieres, si dist a a
monseigneur Gautier, qui
l’attendoit la : "Je vous
delivre comme capi
taine de
Calais par le consentement du
povre peuple de ceste ville ces
VI bourgois.
Et vous jure
que ce sont et estoient au
jour d’uy les plus honnorables et notables
de corps, de
chevance et d’ancesserie de
la
ville de Calais. Si vous pry,
gentil
sire, que vous vueilliés prier pour eulx
qu’ilz ne muirent pas." "Je ne sçay", dist
monseigneur Gautier, "que
messire le roy en vouldra
faire, mais je en feray mon pouoir." Lors
fu la barriere ouverte, si alerent ces
VI
bourgois devers le palais du
roy, et
monseigneur Jehan rentra
en la
ville. Quant
messire Gautier eut presentéz au
roy ces
VI bourgois, ilz s’agenoillierent et distrent
a jointes mains : "
Gentilz sire, roy, veéz
nous cy VI qui
avons este d’ancesserie
bourgois de
Calais et grans marchans.
Si
vous aportons les clefs de la
ville et
du
chastel et nous mettons en
vostre pure
voulenté pour sauver le demourant du
peuple de Calais, qui
souffert a moult
de grieftéz. Si vueilliés avoir de nous
pitié et mercy par vostre
treshaulte
noblesse." Lors plourerent de pitié contes,
barons, chevaliers et
autres qui illec
estoient assembléz en grant nombre. Le
roy regarda
sur eulx tres yreusement,
car moult heoit les
habitans de Calais pour les
grans contraires et dommages
que du temps passé sur mer lui avoient
fais, si
commanda que on leur trenchast
les testes. Tous prioient au
roy si a
certes
qu’ilz pouoient, qu’il en voulsist
avoir mercy, mais il n’y vouloit entendre.
Lors
messire Gautier de Mauny dist : "Ha,
gentilz sire, vueilliés refrener vostre
courage, vous avéz la renommee de
souveraine
noblesse. Or ne vueilliés dont
faire chose par quoy elle soit amendrie,
ne que on
puist parler sur vous en
nulle villenie. Toutes gens diroient
que ce seroit cruaulté, se
vous faisiés
mourir ces
honnestes bourgois qui de
leur voulenté se sont
miz en vostre mercy
pour les autres sauver." Adont grigna
le
roy et
dist : "Soit fait venir le coupeteste.
Ceulx de Calais ont tant fait mourir
de mes hommes qu’il couvient ceulx
cy mourir aussi." Adont la
royne d’En
gleterre, qui moult estoit ençainte, se
mist a genoulx en pleurant et dist : "Ha,
gentil sire, puis que je repassay la
mer
en grant peril, je ne vous ay riens
requiz. Or vous pry humblement en
don
que pour le
filz sainte Marie et
pour l’amour de moy, vous vueilliés
avoir
de ces
VI hommes mercy." Le
roy la regarda et se tut une piece. Puis dist :
"Haa,
dame, j’amasse mieux que vous
feussiés d’autre part que cy. Vous me
priéz si a certes que je ne vous puis
escondire, si les vous donne a vostre plaisir."
Lors la
royne emmena ces
VI bourgois en sa chambre, si leur fist oster les
chevestres d’entour leur col et les fist
revestir et
disner tout aise. Puis donna
a chascun VI nobles, et les fist conduire
hors de l’ost a sauveté.
SHF 1-313 sync
¶ Le VIIXX VIIIe chapitre. pb 115 v