Comment la royne Ysabel arriva en En
gleterre avec messire Jehan de Haynau.
Ainsi estoit meuz et encouragiés
messire
Jehan de Haynau, et
faisoit sa semonce
et sa priere des
Haynuiers a estre a
Halle
et les
Brebançons a estre a
Bredas, et les
Behaignons au
Mont Sainte Gertrud, et
les
Hollandois, dont il eut aucuns, a estre
a
Dourdrecht. Lors prist congié la
royne
d’Engleterre au
conte de Haynau et a la
contesse. Et les
remercia grandement et
doulcement de l’onneur de la feste, de la
bonne chiere et beau
recueil qu’ilz lui
avoient faite et le baisa au departir.
SHF 1A-11 sync Ainsi
se party la
dame et
son filz et toute
leur route acompaigniés de
messire Jehan
de Haynau, qui a grant durté et moult
enviz avoit eu congié du
conte son frere et
mesire Jehan lui dist ainsi: : "
Monseigneur,
je
sui joenne et encore a faire, si croy que
Dieu m’ait pourveu de ceste emprise
pour
mon avancement, si cuide et croy
de verité que par pechié et a tort, on
a ceste
bonne
dame dechaciee et
son filz hors d’
Engleterre, si est aumosne
et
gloire a Dieu et au monde d’adrecier
et reconforter les desconfortéz et descon
seilliés, et especialment si haulte et
si noble dame comme ceste est, qui fu
fille de
roy et est descendu de royal lignee
et sommes de son sang et elle du nostre.
J’aroie plus chier a renoncier a tout
ce que j’ay vaillant, et aler servir Dieu
oultremer sans
jamais retourner
en ce
paÿs, que la
bonne dame feust partie
de nous
sans confort et aide, si me lais
siés aler et donnéz congié de bonne
voulenté, si feréz bien
et vous en saray
gre, et s’en exploiteront mieux mes
besoingnes."
Quant le
bon conte de Haynau eut
oy
son
frere et apparçut le grant
desir qu’il avoit de faire ce voyage, qui
a treshaute
honneur lui pouoit tourner
et a ses hoirs a tousjours mais, si lui
dist : "
Beau
frere, ne plaise ja a Dieu que
vostre bon propos je vous brise ne oste
et je vous
donné congié ou nom de Dieu."
Lors le baisa et lui estraingny la main
en signe de tresgrant amour. Ainsi s’en
party
messire Jehan de Hainau, et vint
ce jour gesir a
Mons en Hainau, et
aussi la
royne d’Engleterre. Que vous
esloingneroie la matiere? Ilz firent
tant par leurs journees qu’ilz vindrent
a
Dourdrecht en Hollande, ou l’especial
mandement estoit fait. La endroit
se
pourveirent de nefs, de vaisseaux grans
et petiz, ainsi qu’ilz les porent trou
ver
et mistrent dedens leurs chevaux,
leurs harnois et leurs pourveances.
Puis se
commanderent en la garde de
Nostre Seigneur et se mistrent en chemin par
mer. La
estoient de chevaliers
haynuiers messire Jehan de Hainau,
messire Henry
d’Antoing,
messire Michiel de Ligne, le
sire de Gommegnies, messire
Perceval
de Semeries, messire Robert de Baillueil,
messire Sanssés
de Boussoit, le sire de Ver
taing, le sire de Potelles, le sire de
Viliers,
le sire de Henin, le sire de Sars, le sire de
Bousies, le
sire d’Aubrechicourt, le sire
de Strumel,
messire Oulphart
de Guistelle et plusieurs autres chevaliers et escuiers
tous en grant desir de servir
leur maistre.
Quant ilz se furent departiz du
ha
vene de Dourdrecht, moult estoit
la navie belle selon leur quantité et bien
ordonnee et le temps beau
et sery, et
asséz moiste et atrempé, et mirent a
l’ancre ceste premiere
maree devant
les diques de
Hollande sur le departement
de la terre.
L’endemain ilz se desancrement
et tirerent leurs sigles amont et se
mistrent a chemin en
costoiant
Zeelande et avoient entente de prendre terre
a un port qu’ilz
avoient avisé. Mais
ilz ne peurent car un grant torment
les prist en mer qui les mist si
hors de
leur chemin qu’ilz ne sceurent dedens
II jours ou ilz estoient, de
quoy Dieu
leur fist grant grace. Car s’ilz se feussent
embatuz en icellui port qu’ilz
avoient
avisé, ilz eussent esté perduz, et cheu
es mains de leurs ennemiz qui bien
savoient leur venue, et les attendoient
pb 12 v