et en
bruieres. Et si avoient
II tresbons
cappitaines. Car le
roy Robert d’Escoce,
qui estoit moult preux, estoit adont
moult
vieulx et durement chargiés de la
grosse maladie. Si leur avoit donné
a cappitaine un
moult gentil prince
et vaillant en armes, c’est assavoir le
conte de Moret, qui portoit un escu
d’argent a III orilliers de
gueules.
Et
messire Guillaume de Douglas, que
on tenoit pour le plus
hardy et plus
entreprenant de tous les
deux paÿs.
Et portoit un
escu d’azur a un chief
d’argent et trois estoiles de gueules
dedens
l’argent. Et estoient ces
deux
seigneurs les plus hauls barons
et les plus puissans de tout le
royaume d’Escoce, et les plus renom
méz
en beaux fais d’armes et en grans
prouesces.
SHF 1-29 sync
Comment le roy Edouart
d’Engleterre fist sa premiere chevaucee sur les Escos. Le XVIIIe chapitre.
Quant le
roy englois et tous
ses ostz eurent veü les fu
mieres
des
Escos, ilz firent tantost
crier aux armes et commander que
chascun
se deslogast et suivist les
banieres. Ainsi fu fait et trait chascun
armé sur les champs si
comme pour
tantost combatre. La endroit furent
ordonnees III grosses
batailles a
pié, et chascune bataille avoit deux
esles de V
C armeures qui devoient
demourer a cheval. Et sachiés que
on disoit qu’il
y avoit bien la VIII
M armeures de fer, chevaliers et escuiers,
et
XXX
M hommes arméz, la moitié
montéz sur petites haguenees, et
l’autre moitié sergens a pié, envoiéz
par election depar les bonnes villes
a leurs
gaiges. Et s’y avoit bien
XXIIII
M archiers a pié sans la ribau
daille. Tout ainsi que les batailles
furent ordonnees on chevauça tout
rengié aprés les
Escos, a l’endroit des
fumieres jusques a basses vespres.
Adont se
loga l’ost en un boys sur une
petite riviere pour eulx aisier et
pour attendre le charroy et les pour
veances. Et tout le jour avoient ars
les
Escos a V lieues pres de l’ost et
ne les pouoient raconsuir. L’endemain
au point du jour chascun fu armé
et trairent leurs banieres aux champs,
chascun en
sa bataille et dessoubz sa
baniere, si comme ordonné estoit, si
chevaucierent les batailles
ainsy
rengiees
toute jour sans desrouter
par montaignes et par valees, ne
onques ne peurent
approuchier les
Escos, qui ardoient devant eulx, tant
y avoit de boys,
de maréz et desers
sauvages et malaisees, montaignes
et valees. Et si n’estoit nul qui
osast
sur peine de perdre la teste forpasser
ne chevaucier devant les banieres
fors
les mareschaux.
SHF 1-30 sync
Quant ce vint aprés nonne sur
le vespre et
gens et chevaux et
charroy et meisment gens a pié
estoient si traveilliés qu’ilz ne pou
oient mais en avant aler, et les
seigneurs virent qu’ilz se traveilloient
pour neant. Et
ja soit ce que les
Escos les voulsissent encore atendre,
si se mettroient
ilz bien en tele mon
taigne ou sur tel paÿs qu’ilz ne se
pourroient a eulx combatre sans
trop grant meschief. Si fu commandé
depar le
roy et les mareschaux
que
on se logast la endroit, chascun
ainsi qu’il estoit, jusques a l’endemain
pour
avoir conseil comment ilz se
maintendroient. Ainsi fu tout l’ost
logié celle nuit en un
boys sur une
petite riviere. Et le
roy fu logié en
une povre court d’abbaie qui la estoit.
Ces gens d’armes, uns et autres, cheva
ux, charroy furent logiés
moult
ensuz traveilliés oultre mesure.
Quant chascun eut pris piece de terre
pour
logier, les seigneurs se trairent
pb 18 r