soudeinement devant la bastide d’Arde
qu’ilz assegierent de tous costéz. La
estoit avec le duc de Bourgoingne,
le conte de Guines, le mareschal de
Blanville, les seigneurs de Cliçon, de
Laval, de Rougemont, de la Riviere, de
Vergy, de Freauville, d’Auville, d’Antoing,
de Raineval et de Hangest, monseigneur Jaques
de Bourbon, le seneschal de Haynau, et
plusieurs autres barons et chevaliers. Et avoient
engins et canons qui gettoient
pierres de IIC pesans SHF 1A-784 sync et aussi assail
loient fierement et roidement. Le
sire de Gommegnies, Haynuier, qui estoit
capitaine de la forteresse, se veoit
encloz de tant de bonnes gens d’armes
qui bien lui promettoient se par
assault la forteresse estoit prise, il
et tous ceulx de leans seroient mors.
Et si n’estoit mie bien pourveu d’ar
tillerie pour tenir longuement, SHF 1A-785 sync si
que par le promouvement du seigneur de
Raineval, son cousin germain, il entra
en traittié de rendre la garnison
sauf leurs corps et le leur. Ce traitié
fu longuement demené. Touteffois fina
blement la forteresse fu rendue et tous
ceulx qui vouldrent s’en partirent
et furent conduiz par monseigneur Gauvain
de Baillueil en la ville de Calais. Sy
demoura capitaine d’Arde messire
Gile des Bordes. Puis s’en party et en
fu un temps gardien le viconte de
Meaux et tiercement en fu chief le sire
de Sempy. SHF 1A-786 sync Ce propre jour que ceulx
d’Arde se rendirent, se rendirent aussi
ceulx de la Planque par telle ordonnance.
Puis vint le duc mettre siege devant
le chastel d’Arduich que les III freres
de Maulevrier, Englois tenoient, et y
fist III jours, si y eut plusieurs escarmuches.
Mais ceulx dedens se rendirent et
furent conduiz a Calais du mareschal
de France. Aprés vint le duc assegier
Bavelinguehem, qui se rendy par telle