pb 96 rGap: sampling
SHF 1-254 sync
Comment le roy d’Engleterre vint a ost en Normandie par le conduit monseigneur Godefroy de Ha
recourt. Le VIXX
IIe chapitre.
Le
roy d’Engleterre si avoit oy
recorder que ses gens estoient
durement constrains et fort assegiés
dedens
le
chastel d’Aguillon. Si s’apensa
qu’il mettroit suz une grosse armee,
qu’il amenroit en
Gascoingne, si commença
a faire
ses pourveances bellement et
a mander gens parmy
son royaume,
et aussi
ailleurs ou il les esperoit avoir
parmy ses deniers paiant. En ce temps
arriva en
Engleterre monseigneur
Godefroy
de Harecourt, qui estoit banny et chacié
de
France, si fu retenu du
roy de
son
conseil et de son hostel, et lui assigna
belle terre et grande en
Engleterre pour
son estat tenir estoffeement. Asséz tost
aprés eut le
roy fait venir ou
havre
de Hantonne grant quantité de naves
et de vaisseaux, et faisoit celle part
traire toutes manieres de gens d’armes
et
d’archiers environ le jour saint Jehan
Baptiste l’an mil CCC
XLV, et se party
le
roy de la
royne sa
femme, qu’il re
commanda en la garde du
conte de
Keut son cousin. Et establi le
seigneur
de Persi et le
seigneur de Neufville a
estre gardiens de tout
son
royaume avec l’
arcevesque d’Iorch, l’
evesque de
Lincolle et l’
evesque de Durem. Et ne
vuida pas tant
son royaume qu’il n’y
demourast asséz de bonnes gens pour
le garder et defendre se mestier faisoit.
Puis chevauça le
roy tant qu’il vint
sur les marches de
Hantonne, et la
pb 96 v