pb 11 v
qui la furent recordé et qu’il tenoient pour vrais. C’est
assavoir qu’il avoient desservy d’estre traisnéz tout
premier, aprés estre decolléz et puis pendus a un
gibet. Et tout en tel manierre que la sentence fu
rendue, il fu tantost fait pardevant le chastel de
Bristo, veant le roy et messire Hue le fil, et tous
ceulx de leans, qui grant doel en avoient, ce doit
on croire. Ce fu fait en l’an mil IIIC et XXVI,
le IXe jour de novembre.
SHF 1V-15 sync Aprés ceste justice faite, sachiés que le roy et messire
Hue, qui ensy se trouverent assegié, estoient a
grant angoisse et ne veoient nul confort qui leur
peuist venir na aidier. Touttesvois pour eslongier
le peril ou il se trouvoient, il se mirent une mati
nee en un batelet de pesceur en mer, le roy et
messire Hue eulx X, a entente de aler ou royalme
de Galles pour eulx mettre a salveté. Mais
Dieux ne le volt mie souffrir car leurs pechiés
les encombra qu’il leur vint grant infortune.
Car il furent IX jours tous plains en un batel
et moult s’esforcerent de nagier. Mais il ne se
peurent onques eslongier que tous les jours
le vent ne leur fust contraire qui les ramenoit,
chascun jour une fois ou deux, a mains d’un quart
de lieue prés du chastel. Si que tous les jours
les veoient ceulx de l’ost qui moult s’esmervilloient
que ce pooit estre, mais au premier cuidoient
que ce fussent pesceur. Et quant il les virent
tant varier sur le mer, et que bien euissent entré ou
havre de Bristo s’il volsissent, mais il mettoient
paine a fuir, soupeçonnerent les pluiseurs que
ce pooit estre le roy ou messire Hue. Alors par le
conseil de messire Jehan de Haynnau aucun com
paignon, avec maronniers de Hollande se mirent
en batiaux et alerent nagier aprés tant qu’ilz pb 12 r