pb 12 v
Herfort. La fu la roynne moult honnourablement rechupte
et toute sa compaignie. Et fist la roynne une grant feste
pour le jour de Tous les Sains, qui estoit. Saints
SHF 1V-18 sync Quant la feste fu passee le dit messire Hue, qui pas
n’estoit la n améz, fu amenéz devant la roynne
et tous les barons, si lui furent tous ses fais dis
et recordéz, dont oncques riens n’y contredist. Si
fu la endroit par les nobles barons jugiés a morir
de tele mort comme vous oréz. Premierement il fu
traisnéz sur ung bahut a trompes et a nacaires
par toute la ville, de rue en rue. Et puis en une
grande plache devant tout le peuple fut amenéz
et liiéz sur une esquielle, leur tout le peuple le
veoient, et enmy celle place on fist faire ung grant
feu. Et ensi loyé on lui coppa le vit et les couilles
pour tant que l’en disoit qu’il estoit erite bougres
et du roy meismes. Et par ce estoient d’accort
d’avoir ainsi encachiet la roynne ensus du roy par
son ennort. Quant son vit et couilles lui furent
coppeez, on les jetta ou feu et les fist on ardoir.
Aprés on lui fendi le ventre s’en ostan le cuer et le jetta on ou feu pour tant qu’il avoit le coer
faulx et traytre. Aprés quant il fu ainsi atournéz
comme dit est, on luy coppa le chief, lequel on
envoia a Londres pour monstrer au peuple. Et
le corps on mist en IIII quartiers, lesquelles
furent envoiéz aux IIII milleurs citéz d’Engleterre
aprés Londres.
SHF 1-19 sync Or avéz oy comment Gap: sampling pb 26 r