pb 28 vHaynnau appelléz le Borgne
de Robersart, par son oultrage
car il se desrouta en cachant les
Flamens, et si avant
les sieuwy qu’ilz le tuerent. Si fu moult fu plains
de ceulx qui le
congnoissent, car il estoit moult
bons homme d’arme et hardis. Ceste
bataille fu
moult dure et aspre et bien se vendirent
Flamens.
Mais finablement
tant furent combatus qu’ilz
furent mors et desconfis. Si porterent les
Hayn
nuiers leur baniere sur le
mont le premier. Et
puis le
roy de France envoia saisir la
ville et fu
sa baniere posee sur les murailles
et toutes les
autres ensieuwant. Et y mist on garde depar
luy. Ceste
bataille
fu en l’an mil III
C et XXVIII.
Quant ceste desconfiture fu ainsi faite ou val
de
Cassel, adont vinrent les nouvelles
a
Bruges, a
Ypre, et ailleurs partout
leur il
estoient rebelles, et leur dist on comment
Clais
Zandequin, leur
capitaine, estoit mors et desconfis.
Si ne savoient que faire et baisserent leurs
testes en disant que
Claix avoit esté outrageux
qu’il s’estoit hastéz sans
leur conseil. Et pour
ce l’en estoit mesavenu, aultrement ne le plaindirent.
Ainsi le
plaindirent les
Flamens qui devant
lui avoient promis si grant honneur a
faire.
Adont chevaucha le
roy et toute son ost jusques
a
Ypre. Dont vint le chastellain de Berghes
et apporta les clefz du
castel au
roy, et il les
prist et en rendi la seignourie au
conte de
Flandres.
Puis vint a
Ypre, et ilz lui firent
autel. Dont leur fist il jurer foy et lealté
a
leur seigneur. Et la se tint tant et si lon
guement que
ceulx de Bruges,
et du Franch furent venus a merchy au
conte Loÿs et lui
jurerent qu’ilz
le tenroient a paix et a leur seigneur.
pb 29 r