pb 4 rcreüs tous seulx que tout ly aultre. Si vint au
roy et lui dist que chil seigneur
faisoient aliance contre
luy et pour lui debouter de
sen royalme s’il ne s’en
gardoit, et tant fist par son enort et par son mal
vais malisté que le
roy fist a ung
jour prendre
tous ces seigneurs a ung parlement et en fist
decoller sans congnoissance
de cause jusques a XXII
des tous les plus grans du
royalme, dont
ce fu
grant pitéz. Et tout premiers le
conte Thomas
de Lencastre, qui estoit
ses oncle, preudons de bonne
vie et sainte et qui fist depuis moult de beaux
miracles
et pour lequel le dit
messire Hue acquist
moult de haynnes de
tout le paÿs, et especialment
de la
roynne d’Engleterre, et du
conte de Kem,
qui
estoit frere au dit
roy. Sachiés que encore ne
cessa point a tant le dit
Hue de tousjours enorter
le
roy a mal faire. Car quant il perchut
qu’il
estoit mal de la
roynne et du
conte de Kem, il
mist si grant
discort entre le
roy et la
roynne et tant fist que le
roys ne voloit
voir la
roynne devant lui ne en lieu ou il fust, et se dura ce
discort bien
longuement. Se fut qui dist secretement
a la
roynne et au
conte pour les
perilx eslongier
qu’ilz s’avisaissent et que le dit
messire Hue pour
cachoit
durement a l’encontre d’eulx. Et quant
il perchurent ce, si se doubterent et s’aviserent
qu’il se partiroient et wideroient coiement le
royalme, si s’en yroient en
France devers le
roy
son frere et lui conteroient toutes ces piteuses
aventures. Et ainsi la
damme hastivement se
pourvey bellement en disant qu’elle
yroit en
pellerinage a
Saint Thomas en Cantorbie. Si prist
Edouart son
filz, se le mist en sa nef a
Wincenessee pb 4 v