SHF 1A-795 sync Quant le roy de France sceut
ces nouvelles que la garnison
de Montbourg et son capitaine
estoient mors et prins, et que le paÿs estoit
moult effroyé de celle desconfiture, le
roy comme saige et bien advisé et pourveu
en tous ses affaires y pourveut tantost
de remede et envoya sans delay a Mont
bourg grans gens d’armes de rechief
pour garder rles frontireres et les forteres
ses et le paÿs a l’encontre de la garnison
de Chierbourg, et furent chiefz de ces gens
d’armes depar le roy de France messire
Jehan de Vienne, et messire Hutin de Bremal
les, et tindrent les marches de l’encontre
des Angloys, mais depuis par l’ordon
nance du roy ilz habandonnerent Mont
bourg et tout le paÿs de Constantin qui
estoit le plus gras paÿs du monde et fist
on toutes les gens, hommes et femmes et leurs
enfans yssir hors du paÿs du dit Constan
tin. Et habandonnerent belles maisons
et possessions et se retrahirent toutes ces
gens par deça le dit Constantin. Et tin
drent les Françoys frontiere a Dune, a Ca
renton, a Saint Lo, et par toutes les mar
ches sur le cloz de Constantin.
¶ Cy finist le premier volume
de messire Jehan Froissart sur
les croniques de France et d’Angle
terre et lieux voisins imprimé
pour Anthoine Verard marchant
libraire demourant a Paris sur
le pont Nostre Dame a l’ymage
Saint Jehan l’Evangeliste ou en
la sale du palais au premier pil
lier devant la chappelle ou l’on
chante la messe de messeigneurs
les presidens.