therein the Example of Plato; and was very studious both in Humanity and Divinity.

The City of London, his Birth-place, the most Noble of all other Cities of this Land, and the Prince's Seat, situated in the South Part of this Iland, he loved above all other: So that at length he wrote most elegantly in Latin, of the Site and Rites of the same. Leland, in divers of his Books commendeth him for an excellent Writer. He lived in the Reign of King Stephen; wrote in the Reign of Henry the Second, and deceased in the Year of Christ 1191, in the Reign of Richard the First.

De Situ [Nobilissimæ Civitatis LONDON.]

INTER nobiles Urbes orbis, quas fama celebrat, Civitas Londonia, Regni Anglorum sedes una est quæ famam sui latiùs diffundit, opes & merces longiùs transmittit, caput altiùs extollit: Felix est aëris salubritate, Christiana Religione, firmitate munitionum, natura situs, honore civium, pudicitia matronali, ludis etiam quàm jocunda; & Nobilium est fæcunda virorum; quæ singula semotim libet inspicere.

De Clementiæ Cœli.

Ibi siquidem emollit animos hominum clementia Cœli, non ut sint in Venerem [putres] sed ne feri sint & bestiales, [sed] potius benigni & liberales.

De [Christiana ibi] Religione.

Est ibi in Ecclesia beati Pauli Episcopalis sedes, quondam fuit Metropolitana, & adhuc futura creditur, si remeaverint cives in Insulam: nisi forte Beati Thomæ Martyris titulus Archiepiscopalis, & præsentia corporalis, dignitatem illam Cantuariæ (ubi nunc est) conservet perpetuam. Sed cum utramque urbium harum Sanctus Thomas illustraverit, Lundoniam ortu, Cantuariam occasu: ipsius sancti intuitu, cum justitiæ accessu, habet altera adversus alteram, quod amplius alleget Sunt etiam (quod ad Christianæ fidei cultum pertinet) tum in Londonia, tum in suburbano, tredecem majores Ecclesiæ Conventuum, præter minores parochianas, centum viginti sex.

De Firmitate [& Situ] Urbis.

Habet ab Oriente arcem Palatinam, maximam & fortissimam, cujus & area & muri à fundamento profundissimo exurgunt; cemento cum sanguine animalium temperato. Ab occidente duo castella munitissima: muro urbis alto & magno, duplatis Heptapylæ portis intercontinuante, [spatio] turrito ab Aquilone per intercapedines. Similiterq; ab Austro Lundonia murata & turrita fuit: sed fluvius maximus piscosus Thamensis, mari influo refluoque qui illac allabitur, mænia illa tractu temporis alluit, labefactavit, dejecit. Item sursùm ab occidente Palatium Regium eminet super fluvium eundem, ædificium incomparabile, cum antemurali & propugnaculis, duobus millibus ab urbe, suburbano frequenti continuante.

De Hortis [Consitis.]

Undique; extra domos suburbanorum civium Horti arboribus consiti, spatiosi, & speciosi, contigui habentur.

De Pascuis.

Item à Borea sunt agri, pascui, & pratorum grata planities, aquis fluvialibus interfluis: ad quas molinarum versatiles rotæ citantur cum murmure jocoso. Proximè patet foresta ingens, saltus memorosi ferarum, latebræ cervorum, damarum, aprorum, & taurorum sylvestrium.

De Agris.

Agri urbis sationales non sunt jejunæ glareæ, sed pingues Asiæ campi qui faciunt lætas segetes, & suorum cultorum repleant horrea cerealis * jugere culmi.

De Fontibus.

Sunt & circa Londoniam ab Aquilone suburbani fontes præcipui aqua dulci, salubri, perspicua, & per claros rivo trepidante lapillos Inter quos Fons Sacer, Fons Clericorum, Fons Sancti Clementis nominatiores habentur, & adeuntur celebriori accessu, & majori frequentia scholarium & urbanæ juventutis in serotinis æstivis ad auram exeuntis. Urbs sanè bona, cùm bonum habeat Dominum.

De honore Civium.

Urbs ista viris est honorata, armis decorata, multo habitatore populosa, ut tempore bellicæ cladis sub rege Stephano bello apti, ex ea exeuntes qui ostentati, haberentur 20000 equitum armatos, & 60. mille peditum æstimarentur. Cives Londoniæ ubicunq; locorum præ omnibus aliis civibus ornatu morum, vestium, & mensæ locatione, spectabiles & noti habentur.

De [Pudicita &] Matronis.

Urbis Matronæ ipsæ Sabinæm sunt.

De Scholis.

In Londoniis tres principales ecclesiæ; Viz. Sedes Episcopalis Ecclesiæ S. Pauli, Ecclesia S. Trinitatis, & Ecclesia S. Martini, Scholas celebres habent & privilegio & antiqua dignitate, Plerumque tamen favore personali alicujus, vel aliqurum Doctorum, qui secundum Philosophiam, noti & præclari habeantur. Et aliæ ibi sunt Scholæ de gratia & permissione. Diebus festis ad ecclesias festivas magistri cum discipulis suis Conventus, gratia exercitationis, Celebrant. Disputant ibidem scholares, quidam demonstrativè, Dialcticè alii; alii recitant enthymemata: hii meliùs perfectis utuntur Syllogismis. Quidam ad ostentationem exercentur † disputationem, quæ est inter colluctantes. Alii ad vertitatem, ea quæ est perfectionis gratia: sophistæ simulatores agmine & inundatione verborum beati judicantur. Alii paralogizantur: Oratores aliqui quandoque orationibus Rhetoricis aliquid dicunt appositè ad persuadendum, curantes artis præcepta servare, & ex contingentibus nihil omittere. Pueri diversarum scholarum versibus inter se conrixantur: aut de principiis artis Grammaticæ, aut de regulis præteritorum vel futurorum contendunt: Sunt alii qui in epigrammatibus, rithmis & metris utuntur, vetere illa trivaiali dicacitate, licentia Fescennina socios suppresssis nominibus liberiùs lacerant, Lædorias ja-